पत्रकार र मिडियामाथि प्रहरी धरपकडको विरोधमा माइतीघरमा पत्रकारहरूले प्रदर्शन गरेका छन्।
शनिबार बिहान ८ बजेदेखि ९ बजेसम्म पत्रकारहरूले माइतीघरमा मौन विरोध गरेका हुन्।
नेपाल पत्रकार महासंघको आयोजनामा भएको विरोध प्रदर्शनमा पत्रकारहरूले विभिन्न नारा उल्लिखित पोस्टर र पम्प्लेट देखाएका थिए।
प्रेस स्वतन्त्रताको ज्ञारेन्टी गर, लोकतन्त्र पुनर्बहाली गर, संसद, इजलास र समाचार कक्षको स्वतन्त्रताको सम्मान गर, विचौलिया-प्रधानमन्त्री-न्यायलय कनेक्सन छानबिन गर लगायतका नारा उल्लिखित थियो।
शुक्रबार काठमाडौंका विभिन्न सञ्चारमाध्यमका कार्यालयमै पुगेर प्रहरीले पत्रकारलाई पक्राउ गरेको थियो।
सादा पोसाकका प्रहरीहरूले केही मिडिया हाउसमा प्रवेश गरी प्रधान सम्पादक र सम्पादकको खोजी गरेका थिए।
शुक्रबार प्रहरीले नेपाल प्रेस डटकमका पत्रकार विश्वमणि सुवेदी, डिएनए खबरका प्रधानसम्पादक धिरज बस्नेत र मोटिभेट न्युजका प्रधानसम्पादक शोभराज बराललाई पक्राउ गरेको थियो।
त्यस्तै, दियोपोस्टका प्रधानसम्पादक सुदीप विश्वकर्मा र सम्पादक रिता बुढाथोकी तथा नयाँ पत्रिकाका पत्रकार नवराज मैनालीको खोजी गरेको थियो।
प्रहरी टोली केही सञ्चारमाध्यमको कार्यालयभित्रै प्रवेश गरेर पत्रकारलाई नियन्त्रणमा लिनुका साथै पत्रकारहरूको मोबाइलसमेत जाँच गरेको थियो।
यसरी समाचार लेखेकै कारण मिडिया हाउस र पत्रकारमाथि धरपकड गरेपछि प्रहरीको चौतर्फी आलोचना भएको छ।
यसले प्रेस स्वतन्त्रतामाथि प्रहार भएको भनेर पत्रकार महासंघदेखि राजनीतिक दलहरूसहित प्रेस काउन्सिल पनि आपत्ति जनाइसकेको छ।
तस्बिरहरूः
-ink-1793425093.jpeg)
-ink-1793425093.jpeg)
-ink-1793425093.jpeg)
-ink-1793425093.jpeg)
-ink-1793425093.jpeg)
-ink-1793425092.jpeg)
-ink-1793425092.jpeg)
-ink-1793425092.jpeg)
-ink-1793425092.jpeg)
-ink-1793425092.jpeg)
-ink-1793425092.jpeg)
-ink-1793425091.jpeg)
-ink-1793425091.jpeg)
-ink-1793425093.jpeg)
तस्बिरहरूः नेपाल फोटो लाइब्रेरी।
-ink-1793425093.jpeg)
